🎯 सूर्यनमस्कार

               🌞☀️  सूर्यनमस्कार  🙏

  

      सूर्यनमस्कार हा एक उत्तम व्यायाम प्रकार आहे. पहाटे - पहाटे पूर्व दिशेला तोंड करून शांतपणे सूर्यनमस्कार घालण्याची परंपरा खूप पूर्वीपासून आहे. सूर्यनमस्कार हा एकामागून एक अशा शरीराच्या वेगवेगळ्या दहा अवस्थांचा तालबद्ध व्यायाम प्रकार आहे. सूर्यनमस्कार घालताना श्वास आत घेणे आणि सोडणे ही केले जाते. थोड्या जागेत हा व्यायाम प्रकार करता येतो.
         सूर्यनमस्कारामुळे सर्व शरीराला खूप फायदा होतो कारण त्यामध्ये हात, पाय, कंबर, छाती व मान या सर्व इंद्रियांना व तेथील स्नायूंना उलट-सुलट हालचाल करावी लागते; त्याच बरोबर हृदय, फुफ्फुसे व आतडे ही कार्यक्षम बनतात. सूर्यनमस्कारमुळे रक्ताभिसरण सुधारते व त्वचा तरतरीत होते मज्जासंस्था आणि मेंदूला रक्तपुरवठा झाल्याने हुशारी वाटते मेंदू ताजातवाना व तरतरीत होतो.

🔵 👉 सूर्यनमस्काराची कृती:-

१) हात व पाय एकमेकाला जोडून हवेमध्ये हात डोक्याच्या वर नेणे.
२) कमरेत वाकून हात पायांना लावणे आणि डोके गुडघ्याला लावणे.
३) डावा पाय मागे नेणे.
४) उजवा पाय मागे घेणे.
५) अष्टांग जमिनीला टेकवणे.
६) भुजंगासना मध्ये येणे.
७) टाचा टेकून कंबर मागे घेणे.
८) डावा पाय पुढे घेणे.
९) उजवा पाय पुढे घेणे.( 2 ची स्थिती)
१०) नमस्कार पूर्वस्थितीत येणे याचा समावेश आहे.

🔵 👉 सूर्यनमस्कार घालताना लक्षात घ्यावयाच्या बाबी 🎯🎯

🔔 सूर्यनमस्कार शक्यतो मोकळ्या जागी घालावेत. तशी जागा नसल्यास घरात घातले तरी चालते.
🔔 सूर्यनमस्कार शक्यतो सकाळी कोवळ्या उन्हात घालावेत कडक उन्हात घालू नयेत.
🔔 सूर्यनमस्कार घालताना पोट रिकामे असावे, तसेच घातल्यानंतर लगेच काही खाऊ नये. निदान पंधरा ते वीस मिनिटे थांबावे.
🔔 घट्ट कपडे असू नयेत
🔔दमलेल्या स्थितीत, आजारपणात फक्त नमस्कारच नाहीत; तर शक्यतो कोणताही व्यायाम करू नये.

☀️☀️ सूर्यनमस्कार घालताना श्वसन खालील प्रमाणे करावे 🙏🙏
१) श्वास घेणे.
२) श्वास सोडणे.
३) पुन्हा श्वास घेणे.
४) श्वास सोडणे.
५) श्वास रोखणे.
६) श्वास घेणे.
७) श्वास सोडणे.
८) श्वास घेणे.
९) श्वास सोडणे.
१०) श्वास घेऊन पुढच्या सूर्यनमस्कार साठी तयार राहणे.

🌞🌞🌞🌞🌞🌞🌞🌞🌞🌞🌞🌞
सूर्यनमस्कार घाला आणि निरोगी रहा..
🙏🙏🙏🙏🙏🙏🙏🙏🙏🙏🙏🙏